Deputetja e PD, Ina Zhupa në fjalën e saj në Komisionin e Medias këtë të hënë çështjen e shkatërrimit të paligjshëm të ‘Prestige Resort’, duke e cilësuar këtë akt si një alarm dhe cështje e parë e rendit të ditës në këtë Komision.
Zhupa ka kërkuar llogari pse ky Komision e ka fshirë nga kalendari kërkesën e bërë për seancë dëgjimore që në 2 shtator, kohë kur IKMT shembi paligjshmërisht pishinat e resortit.
Më tej Zhupa akuzoi se deputetët e mazhorancës mbyllin sytë për të parë se si Rama i bën presion mediave të drejtuara nga Presidenti Irfan Hysenbelliu.
Ina Zhupa: Kur në Shqipëri ndodh një situatë që lidhet drejtpërdrejt me lirinë e mediave ne jemi komisioni i parë që duhet të reagojmë.
Kur në Shqipëri ditën e dielë, ditën për diell, shkatërrohet prona e bizneseve të ndershme pa asnjë letër, pa asnjë vendim gjykate vetëm sepse pronari është pronari i një grupi mediatik që nuk është në vijën editoriale të ERTV për ne duhet të ishte shqetësim alarm e cështje e parë e rendit të ditës.
Kemi qenë këtu bashkë më 2 shtator kur shkatërroheshin pishinat e Prestige Resort dhe u zhduk nga kalendari.
Kemi kërkuar të dëgjonim mediat këtu, përfaqësuesit e Focus Media e u tha nga përfaqësuesit e mazhorancës që po do dëgjohen.
Ku janë cuar letrat, ku u la data për seancë dëgjimore? Zero se qëllimi i vetëm është që ne të fshihemi pas gishtit të bëjmë sikur s’e shohim si Rama sot po përdor metoda riedukimi për pronarët e mediave. Jo vetëm nuk e fusim në kalendar por bëjmë sikur nuk e shohim presionin dhe represionin ndaj mediave.
Çështje më të rëndësishme për mua e shumë emergjente, emergjencë kombëare është cështja e lirisë së shprehjes dhe lirisë së mediave